Surah Al Hadid Ayat 8 Translation Tafseer

Para 27 - قَالَ فَمَا خَطْبُكُمْ

سورة الحديد

Audio PDF

بِسْمِ اللّٰهِ الرَّحْمٰنِ الرَّحِیْمِ

57.8

وَ مَا لَكُمْ لَا تُؤْمِنُوْنَ بِاللّٰهِۚ-وَ الرَّسُوْلُ یَدْعُوْكُمْ لِتُؤْمِنُوْا بِرَبِّكُمْ وَ قَدْ اَخَذَ مِیْثَاقَكُمْ اِنْ كُنْتُمْ مُّؤْمِنِیْنَ(8)

Kanz ul Iman Kanz ul Irfan

کنزالایمان

اور تمہیں کیا ہے کہ اللہ پر ایمان نہ لاؤ حالانکہ یہ رسول تمہیں بلارہے ہیں کہ اپنے ر ب پر ایمان لاؤ اور بیشک وہ تم سے پہلے ہی عہد لے چکا ہے اگر تمہیں یقین ہو ۔

تفسیر : ‎صراط الجنان

{وَ مَا لَكُمْ لَا تُؤْمِنُوْنَ بِاللّٰهِ: اور تمہیں کیا ہے کہ تم اللہ پر ایمان نہ لاؤ۔} ارشاد فرمایا کہ اے لوگو! تمہیں کیا ہوا ہے کہ تم اللہ تعالیٰ پر ایمان نہیں لا رہے حالانکہ اللہ تعالیٰ کے رسول تمہیں بلارہے ہیں کہ تم اپنے ر ب تعالیٰ کی وحدانیَّت کا اقرار کر کے اس پر ایمان لاؤ اور وہ تمہارے سامنے (اللہ تعالیٰ کی وحدانیَّت اور اپنی رسالت کی) دلیلیں پیش کررہے ہیں اور اللہ تعالیٰ کی کتاب سنارہے ہیں ، اب تمہیں ایمان قبول کرنے سے کیا عذر ہوسکتا ہے اور بیشک اللہ تعالیٰ تم سے اس وقت عہد لے چکا ہے جب اس نے تمہیں حضرت آدم عَلَیْہِ الصَّلٰوۃُ وَالسَّلَام کی پشت سے نکالا تھا کہ اللہ تعالیٰ تمہارا رب ہے اس کے سوا کوئی معبود نہیں ۔ اگر تم اس عہد پریقین رکھتے ہوتو ایمان لے آؤ۔( تفسیر طبری، الحدید، تحت الآیۃ: ۸، ۱۱ / ۶۷۲، خازن، الحدید، تحت الآیۃ: ۸، ۴ / ۲۲۷، ملتقطاً)

Next Ayat Prev Ayat